«Музыцы і Вам – маё прызнанне»
Напрыканцы восені адзначыць свой юбілей Заслужаны дзеяч культуры Рэспублікі Беларусь, Кавалер ордэна Францыска Скарыны Рыгор Сарока. З гэтай нагоды 29 лістапада Маэстра запрашае жыхароў і гасцей горада Маладзечна на канцэртную праграму «Музыцы і Вам – маё прызнанне»!
На сцэне Палаца культуры ў суправаджэнні Заслужанага аматарскага калектыву Рэспублікі Беларусь сімфанічнага аркестра Маладзечанскага дзяржаўнага музычнага каледжа імя М.К. Агінскага выступяць вучні Рыгора Сарока, якія з гонарам працягваюць справу свайго Настаўніка. У праграме прагучаць знакамітыя і сусветнавядомыя творы беларускіх і замежных аўтараў у выкананні Андрэя Мацюшонка, Іосіфа Нікіценкі, Мікалая Карпіевіча, Дзмітрыя Апяцёнка, Наталлі Шыбко, Вольгі Ерафеевай, Яраслава Саколікава, Вольгі Барысавай і іншых.
Вядучая юбілейнага вечара – Вольга Кохан.
29 лістапада
Глядзельная зала Палаца культуры г.Маладзечна
Пачатак у 18.00
Працягласць праграмы – 2 гадзіны 30 хвілін (з антрактам)
Узроставая катэгорыя 6+
